Wrth ddatblygu Cwricwlwm Y Castell ein nod yw galluogi ein dysgwyr i ffynnu trwy bedwar diben craidd y Cwricwlwm i Gymru mewn awyrgylch hapus a diogel.  Gan wireddu’r rhain, rydym yn gosod disgwyliadau uchel i bawb, yn hyrwyddo lles personol, yn herio anwybodaeth a cham wybodaeth gan annog ein dysgwyr i chwarae eu rhan fel dinasyddion effro a beirniadol o'r ysgol, y gymuned leol a'r byd.  Wrth sicrhau hyn oll, ein braint yw trosglwyddo ein hetifeddiaeth i'n disgyblion fel y cadwer i'r oesoedd a ddêl y glendid a fu.

"Cerddwn ymlaen â ffydd yn ein cân."